Gjeotrashëgimia

	Gjeomonumente stratigrafike
	Prerja stratigrafike Tamarë Ndërkombëtare I-1
	Prerja Ruku Nikajve-Curraj i Epërm Ndërkombëtare I-2
	Prerja stratigrafike Nimçë-Kune Ndërkombëtare I-3
	Prerja stratigrafike Buzëmadhe (Kukës) Rajonale I-4
	Prerja Muhërr-Përroi Bulaçit Ndërkombëtare I-5
	Prerja stratigrafike e Taraboshit Rajonale I-6
	Prerja stratigrafike Ura e Shenjtë Ndërkombëtare I-7
	Prerja stratigrafike e Munellës Rajonale I-8
	Prerja stratigrafike e Spitenit (Lezhë) Ndërkombëtare I-9
	Prerja Tiranë-Dajt-Kroi i Mollës Ndërkombëtare I-10
	Prerja unike e Eocenit Bitinckë Ndërkombëtare I-11
	Prerja Kretake e Polis-Xhumangës Ndërkombëtare I-12
	Prerja e plotë mollasike Moravë Ndërkombëtare I-13
	Prerja e shpimit të thellë Ardenicë Rajonale I-14
	Prerja Gurët e Zesë (Patos) Ndërkombëtare I-15
	Prerja klasike e Mz Mali i Gjerë Ndërkombëtare I-16

	Gjeomonumente të komplekseve magmatike, metamorfike e sedimentare
	Bregu i Bibës (Paragjeneza e EGP) Kombëtare II-1
	Rrudhosje të trupit kromifer Dunish Kombëtare II-2
	Prerja petrologjike Kalimash-Runë Ndërkombëtare II-3
	Prerja e vullkaniteve Rubik-Shën Mëri Kombëtare II-4
	Prerja petrologjike Vinjollë-Bulqizë-Tërnovë Ndërkombëtare II-5
	Vendburimi i squfurit Kërçisht Kombëtare II-6
	Vendburimi i Titano-Magnetiteve Kashnjet II-7
	Gipsi makrokrist. Qafë Koçiut (Vlorë) Kombëtare II-8
	Amfibolite e tabanit ofiolitik Gurrë-Lurë Ndërkombëtare II-9
	Dajkat paralele në Kalivar-Munellë Ndërkombëtare II-10
	Dalja e amfiboliteve Picar-Kolonjë Ndërkombëtare II-11
	Daljet e eglokiteve Derven Ndërkombëtare II-12
	Prerja petrologjike e Repsit Ndërkombëtare II-13
	Llavat Jastëkore Gziq-Shën Pal Kombëtare II-14
	Gjeomonumente Metalogjenike-Ekonomike
	Vendburimi unikal i kromit Bulqizë Ndërkombëtare III-1
	Trupi unikal tubor i kromit Shkallë Ndërkombëtare III-2
	Vendburimi i bakrit Gjegjan Kombëtar III-3
	Vendburimi i bakrit në vullkanite Spaç Rajonal III-4
	Vendburimi i vetëm i fluoritit Brashtë Kombëtar III-5
	Vendburimi i Kripës Gurit Dhrovjan Rajonal III-6
	Vendburimi i Fe-Ni dhe Ni-Si Bitinckë Kombëtar III-7
	Vendburimi i Naftës Marinëz Ndërkombëtare III-8
	Vendburimi i Naftës Gorisht Ndërkombëtare III-9
	Vendburimi unikal i asfaltit Selenicë Ndërkombëtare III-10
	Vendburimi i qymyrit Memaliaj Kombëtare III-11
	Vendburimi i fosforiteve Gusmar Ndërkombëtare III-12
	Vendburimi urano-fosfatik "24 Maj" Kombëtare III-13
	Vendburimi i fosforiteve Fushë-Bardhë Rajonal III-14
	Gjeomonumentet Tektono-Strukturale

	Thyerja Shkodër-Pejë Ndërkombëtare IV-1
	Thyerja sizmotektonike Vlorë-Elbasan-Dibër Ndërkombëtare IV-2
	Thyerja rajonale mbulesore Milot Kombëtare IV-3
	Thyerjet mbulesore të Drojës Kombëtare IV-4
	Peisazhet tektono-strukturake Koman Ndërkombëtare IV-5
	Rrudhosjet në masivin e Krrabit, Pukë Ndërkombëtare IV-6
	Rrudhosjet në shpatet e lumit Kir Lokale IV-7
	Rrudhosjet në shpatet e lumit të Shalës Kombëtare IV-8
	Kupola evaporitike Mali i Bardhë Ndërkombëtare IV-9
	Kupola diapirike e Banjave Kombëtare IV-10
	Antiklinali i Beratit Rajonale IV-11

	Në Shqipëri, për shkak të pozicionit të saj geologjik dhe lëvizjeve neotektonike vërehen fenomene gjeologjike speciale, të cilat dëshmojnë për historinë e evolimit të kores së tokës, dhe përplasjet e pllakave tektonike në këtë pjesë të globit. Në mjaft raste ato paraqesin shfaqje gjeologjike të rëndësisë lokale e kombëtare por edhe ndërkombëtare. Dukuritë janë të rralla, dhe përfaqësojnë panorama të bukura e estetike.
	Konservimi i kësaj gjeotrashëgimie dhe shfaqjeve gjeologjike të Shqipërisë u paraqitën për herë të parë në takimin mbi strategjinë e ProGEO-s në Sofie të Bullgarisë, në Maj 1995 nga A. Serjani dhe F. Cara. Me tej, shfaqjet gjeologjike të Shqipërisë u prezantuan në takimet ndërkombëtare të ProGeo-s në Tallin (Serjani A., Neziraj A., Jozja N., 1997), në Belogradchik, Bullgari (Serjani A., et al., 2004) dhe të IGC në Firence (Serjani A., 2004), në Tiranë (2005), Sarajevë dhe Kiev (2006).
	Në fund të vitit 1997 u krijua OJQ “Bashkimi i Gjeologëve Shqiptarë për Trashëgiminë e Shkencës Gjeologjike” (ProGEO Albania).
	Deri në vitin 1998 Instituti i Kërkimeve Gjeologjike kreu disa studime të rëndësishme në lëmin e trashëgimisë gjeologjike dhe gjeoturizmit, me mbështetjen e Shërbimit Gjeologjik Shqiptar si vijojnë:
	Konservimi i Gjeotrashëgimisë në Shqipëri (1999). Në vëllimin e dytë të këtij studimi, për herë të parë u përpunua “Inventari i Shfaqjeve Gjeologjike në Shqipëri”, ku u caktuan dhe u përshkruan 340 shfaqje gjeologjike.
	Harta e shfaqjeve gjeologjike të Shqipërisë në shkallë 1:500 000 (2001)
	Seleksionimi i shfaqjeve gjeologjike dhe përpilimi i listave Krahinore dhe Kombëtare

Në kuadrin e strategjisë së ProGeo-s u kryen disa studime të rëndësishme të zhvilluara nga anëtarët e ProGEO-Albania siç janë:

	Përpilimi i listës së shfaqjeve gjeologjike të rëndësisë krahinore (shfaqjeve të rëndësisë Ballkanike, Europiane dhe Botërore) të përfshira në listën për EUROPËN JL dhe të paraqitura për herë të parë në Dublin (2002) dhe në formë të plotë në Beograd (2004).
	Simpoziumi Ndërkombëtar i Tiranës: “10 Vjet Konservim i Gjeotrashëgimisë në Europën JL”, mbajtur në Maj 2005
	Libri: Gjeotrashëgimia dhe Gjeoturizmi në Shqipëri (nga Serajani A., Neziraj., etj.) në version dy gjuhësh shqip e anglisht (2003)
	Harta Gjeoturistike e Shqipërisë (Serjani A., Avxhi A) në versionin anglisht (2003)
	Gjatë viteve të fundit u bë një studim i monumenteve natyrore të Shqipërisë nga Ministria e Ambientit dhe Departamenti i Gjeografisë të Universitetit të Tiranës (Qiriazi P., Sala S., etj. 2003)

Në Inventarin e parë janë përfshirë tipet e mëposhtme gjenetike:

	Shfaqje Stratigrafike (16 gjeoshfaqje), të petrologjisë magmatike, metamorfike e sedimentare (16 gjeoshfaqje), Ekonomiko-Metalogjenike (15 gjeoshfaqje), Tektoniko-Strukturore (15 gjeoshfaqje)
	Tipe Gjeomorfologjike, dhe panorarama (250 gjeoshfaqje), Shfaqje të natyrës continentale ose oqeanike, pllaka tektonike (2 gjeoshfaqje), Shfaqje Historike (7 gjeoshfaqje), Plaeoambientale (17 gjeoshfaqje), Shfaqje paleobotanike (2 gjeoshfaqje), Astroprobleme (1 gjeoshfaqje)

Aktet kryesore ligjore mbi monumentet e natyrës në Shqipëri janë:

	Dekreti Nr. 4874 (23.09.1971), dhe Ligji Nr. 4927, (24.02.1971): “Mbrojtja e e Monumenteve Kulturore dhe Pasurive të Rralla Natyrore”
	V.K.M. Nr. 413 (22. 08. 1994): “Për Shpalljen e Lagunës së Karavastasë dhe Parkut të Pyllit të Divjakës si Ekosisteme Natyrore”
	Ligji Nr.8906, datë 06.06.2002 mbi “Zonat e Mbrojtura”.
	V.K.M. Nr. 676 (20.12. 2002): “Për Shpalljen e Zonave të Mbrojtura të Monumenteve Natyrore të Shqipërisë”.

Vendimi i Këshillit të Ministrave Nr. 676 ( 20. 12. 2002): “Për Shpalljen e Zonave të Mbrojtura të Monumenteve Natyrore të Shqipërisë” Përcakton zonat e mbrojtura për secilën ndarje administrative të Shqipërisë. Në total, u prcaktuan 669 lokalite sipas llojeve:

	Hapësira pyjore dhe pemë të rralla 315
	Shpella Karstike 100
	Burime ujore (termale dhe minerale) 58
	Liqene akullnajore e karstike, Glacial and karstic lakes, këneta e laguna 28
	Gjeoshfaqje të origjinave të ndryshme 195.

Lista u hartua prej Departamentit të Mbrojtjes së Natyrës pranë Ministrisë së Ambientit.